~Elections in Pakistan

11th may 2013, Saturday.🗓
Karachi ki subah 730 bajay.🔖
Elections ka din. 📢Dimagh mein aik hi baat…Vote daaalna hai,👍🏼👍🏼👍🏼👍🏼 jaldi jaldi behn bhaiyoun ko uthaya. Naya Pakistan bananay ki excitement aesi thi k baghaer kisi k kahay chae☕ bhi bana kar rakh di…takay kissi k pass takheer ka koi mauqa hi na ho. 😜

Election ka din tha aur hospital mein duty bhi meri thi…🤷🏼‍♀woh bhi medical ICU 🤦🏼‍♀mein. Tu pohanchna bhi zaruri tha. Magar soch yeh bhi thi k naya Pakistan bannay mein mujhe bhi apna role play karna hai. Ungli katwa kar shaheedoun mein apna naam likhwanay mein hum kyun peechay rahein.🤨 Dimagh 🧠ne kaha subah subah pohanch jao, sanatta para hoga. Vote daaltay huay hospital 🏥chalay jaenge. Isliaay ghar waloun ka qafla le kar 8🕗 bajay us govt school k bahar ja kar kharay hogaye jo k hamara polling station tha. Wahan ka manzar tawaqqua se kafee mukhtalif tha… 😯😱Tamam tar loag hamaree jesi soch k mutabiq sanata expect kartay hua subah pohanchay huay thay.🤭 Aik na khatam honay wali lambi qatar thi. Faza mein excitement..🎉aesi jesay eid ka sama 🎁…bus eid ki namaz k baad milne walay ghubaroun 🎈ki kamee thi. Har koi buhat excited k naya Pakistan bannaay ki khatir lambi line mein wait karne k liay bhi khushi khushi tayar.😁 Pehli dafah naujawan tabqa vote daalne ghar se bahar nikla tha. Warna aaj tak un NIC nmber pe shayad namaloom afraad ka hi vote dal raha hoga. Khushi thi k queue taezi se move kar rahee hai. Akhir 9 baj gaye… Kuch bhagdar machee…aur pata chala k aen mauqay par kuch lists dusray polling station shift kar di gaieen hain…chul mera bhai. 😠🤬🤐Phr jaldi jaldi dusray polling station pohanchay aur aik new queue mein naye siray se lagay. Aas pass ki auntiyoun 🧕🏼se khabar li tu pata chala k yahan tu polling shuru hi nahin hui kyunkay ballot boxes pohanchay hi nahin.O teri kher!!🤦🏼‍♀ Waqt jaldi jaldi guzar raha tha aur mera khoon khushk horaha tha…duty k lehaz se already late hogaee thi…aur isi intezar mein 10 baj gaye.. ballot boxes bhi agaye, voting start bhi hogaee…magar hamara nmber buhat duurr tha.😔 Beech mein jagah dene ko bhi koi razi nahin.
Phr kya tha…naya Pakistan bannay mein shamoliyat ikhtiar kiay baghaer hi duty pe pohanch gaye.
Sara din udaasi taree rahee…aur aglay din jb wohee puranay loag dekhay tu socha shayad mujh jese loag vote de patay tu shayad is bar kuch change aagaya hota.🤕
Chand baatein dimagh mein ghoomti rahein..➰ yeh do tarfa amal hai…hukumat ko jahan intezamat mukammal kar k rakhne chaiyay hain wahan awam ko bhi apne gharoun se nikal kr vote daalne ana chaiyay. Kissi aik k part mein bhi kotahee ho tu sahee hukamran anay se reh jaega aur hamein phr 5 saal bhugatna parega. Taleem📚,bijli 💡 , pani 🚿🚰, safai🗑, security🛡, economy💸💰…sub ka level aur ziada down ja chuka hai..hum aur risk nahin le saktay hain.😟
Aaj Pakistan mein phr wohee din hai🎯…umeed hai aaj bhi eid ka sa sama hoga, sub loag vote dene niklenge, soch bechar kar k aik achha hukamran🗣 muntakhib karenge tak k kal ki subah Pakistan k liay aik achhay waqt ki khuskhabri le k aye.
Ao mil k apna mustaqbil sanwarein, apne Pakistan ko taraqqi ki rahoun pe roshan mustaqbil ki taraf gamzan karein.😍🤩
#elections#⃣📣
#dovote👍🏼💭
#voteforabetterPakistan🇵🇰❤🤲🏼
#qaumifareeza👍🏼
#pakistanzindabad🇵🇰

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s