~apne apne shoq ki baat hai.

Rozmarra k routine🔁 k mutabiq subah☀ uth k lounge mein atay hi sub se pehle khirki 💢 ki taraf lapki, pardoun ko side pe kar k, aasman ka jaeza liya, gehra saaans ander,⤵ gehra saaans bahar⤴.. Aur “CLOUDY” ☁day ki judgement pass ki. Chae☕ bana kar, khirki k saath lagay single seater sofa pe akar beth gaee. Chae ka mug haseen mausam k saath enjoy karne ka maza hi kuch aur hai. 💟 Aesi baat nahin k badal dekhne ka shoq Maldives akar paeda hogaya ho.Yeh keera tu purana hai….🙊magar yeh zuroor hai k Alhamdulilah yeh shoq ab khirki k parday hatatay hi pura hojata hai.😇 Yeh khayal atay hi be sakhta hansee agaee…..
⏰🔙🆗🆒
Karachi ki sham🌇, hospital se chutti ka time. 🔔Mera seerhiyoun 📶 pe kharay ho kar van🚨 walay driver sahab ka intezar karna… Aur sochna💭aaaj late anay ki kya wajah sunaenge🔍…. “Dr saheb aap soch nahin sakta kitna rush tha😒”, “dr saheb aik dusri dr ne daer laga diya”🙄ya ziada tar auqaat ki tarah… “Falana driver ne chutti kar liya, uska duty ki jagah pe bhi humko jana para.” siyaaapa! 🙆
Duty time khatam honay k baad ⌛workplace pe kharay ho kr intezar karna nehayat khatarnak 💣kaam hota hai… Khas taur pe doctors k liay. Koi mareez k attendant aap ko pehchaan k request karein k hum tu aap ko hi dekhanay aye thay please dekh lein⚖ tu mana karna hamaray liay bhi kafee takleef de hota hai.magar unko yeh baat samjhana k bhai aath ghantay ki duty, aur woh bhi bachoun 👧‍👦ki doctor aur wooooh bhi emergency🌡dept ki duty mein juice 💨💦nikal jata hai😰.Allah pak ka bara karam hai k loag pehchantay bhi aur dubara atay bhi.. Magar woh waqt⏰ aesa hota k dimagh 🧠 k engine mein chae ☕ke petrol ⛽ki kamee k baes loadshedding 🔆➡🔅 honi shuru hojatee aur haddiyoun ki chutney🆘 banee hui hotee. 🙇
Aesay khayalaat k beech gehra saans le kar in sochoun k ghoroun 🎠 ko brake lagaya aur hamesha ki adaat k mutabiq har situation mein positivity💡 talash karne ki koshish kari.😇🎡 Aesi halat mein aik hi cheez mujhe positive mind set ki taraf le gaee…..k yeh woh time hai jb mujhe duniya 🌏ka hassen tareen scene dekhne ko milta hai…. Doobta hua suraj.🌆 Aur us din k doobtay suraj ko dekhne ki umang ne dil ko khushi se bhar diya🎆🎇
Duuur se hospital ka naam likhi hui bolan van🚑 atee nazar aiee aur khushi ki lehr hontoun pe aiee.
Van mein bethtay hi driver sahab ne aelaan kardiya k rush🚦 mein phans gaye thay….agay sawaal jawab ki gunjaish hi nahin.🚩Safar shuru hotay hi bolan van itna uchhle 🛵 k bachee hui hadiyaan bhi bolna shuru hogaieen.
Jauhar se gulshan mein dakhil hotay hi mein hoshyar🧐 hojatee, metro ka flyover anay se pehle cell phone ka camera 📳 ON kar k haath mein le leti, fly over k shuru hotay hi GET SET GO ki position hotee aur round fly over k➰ turns k hisaab se khud kbhi daeein, aur kbhi baaein khirki ki taraf lapak k sunset ki behtreen tasaweer📷 lene ki koshish karti.
Rozana yeh tamasha driver sahab apne rear view mirror se dekhte hi thay👁‍🗨… Aaj unhone pouch bhi liya,”Dr sahab yeh aap kya karta hai?”❓
Meine jhaepay huay lehjay mein jawab diya, “baba, taweerain le rahee thi.”
Unhone aik baar van se bahar, daaien, baaieen jhank k dekha🔭 k kahin koi shahkaar 🐉🏄🚀🗼un se miss tu nahin hogaya…Jb kuch khas nazar na aya tu herat se pouchha, “kis ki?”🙈
Mein ne baree masoomiyat se jawab diya, “baadaloun ki, suraj ki.”
Yeh bhi koi badal hai?! 🐍🐸🕸 Badal tu hamara mulk Kashmir mein hota hai.🌸🌼🌺🌹
Haaaye, Kashmir!! 🌞Naam sunna tha k ragoun mein daurtay khoon ki rawani tez hogaee. Aik hi jhalak mein ankhoun😍 k saamne se wahan k khobsurat nazaray guzar gaye.
“Baba, Inshaa Allah Kashmir jaenge tu wahan bhi dekhenge, tb tak k liay isi se khush hojaein. Sahil e samandar walay shehr k apne nazaray hain”.😎
Driver sahab bhi shayad samajh na paaye. 🤐🤔
Phone ki memory bharee pari hai senkroun milti julti tasaweer se..🤣😂 Magar woh khushi jo mujhe in lamhoun ko dekhne mein😍, inhein capture karne mein milti hai🤩, woh kissi ko smajhana intehai mushkil hai. Yeh apne aap mein aik mukammal enjoyment hai. ☺
Badloun🌧 ko dekhna,👁‍🗨 nikaltay suraj 🌄aur dhaltay suraj 🌆ko dekhna…us se badloun mein atay huay rangoun🌌 ka tabdeel hota dekhna…. Yeh woh muft🆓🏧 ka show🎠🎢🎡 hai jo din mein do baar lagta hai.🍿 Aur chand mintoun⏱ mein aapki thakan duur kar sakta hai,💯✴ aapki sochoun ko hazaroun miles per hour ki speed se parwaaz🚀 karwa sakta hai.📈 😍
Ya shayad apne apne shoq ki baat hotee hai. 🕸🌺🌈🌊

#Alhamdulilah 😇
#subhanallah 🕋
#lifeslikethat 😉
#expatsinmaldives ⛵🚣
#finallyhatching 🐣
#couplesthing 🚻

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s